السلام آباد : اللہ کا کرم ہوگیا،ملک بھر میں کورونا کے مریضوں کی تعداد کم ہوکر 1ہزار یومیہ ہوگئی

ملک بھر میں کورونا وائرس کے 2 لاکھ 10 ہزار مریض صحت یاب ہوچکے ہیں (فوٹو: فائل)

 اسلام آباد ( ویب ڈیسک) دنیا بھر میں کورونا کی تباہ کاریاں جاری ہیں لیکن پاکستان میں سرکاری سطح پر اس وبا سے متاثرہ افراد کی یومیہ تعداد گھٹ کر ایک ہزار کی سطح پر آگئی۔

نیشنل کمانڈ اینڈ آپریشن سینٹر کے مطابق گزشتہ 24 گھنٹوں کے دوران ملک بھر میں 17 ہزار 783 کورونا ٹیسٹ کیے گئے، سندھ میں 7 ہزار 69، پنجاب میں 7 ہزار 3، خیبر پختونخوا میں ایک ہزار 845، اسلام آباد میں ایک ہزار 452، بلوچستان میں 104، گلگت بلتستان میں 63 اور پاکستان کے زیرانتظام کشمیر میں 247 کورونا ٹیسٹ کیے گئے۔ جب کہ ملک بھر میں مجموعی طور پر ملک میں کورونا ٹیسٹس کی تعداد 17 لاکھ 58 ہزار 551 ہوگئی ہے۔ملک بھر میں مزید کورونا وائرس کے کیسز سامنے آئے ہیں جس کے بعد ملک بھر میں اب تک 2 لاکھ 66 ہزار 983 افراد میں کورونا کی تشخیص ہوئی ہے جن میں سے 52 ہزار 427 اب بھی فعال ہیں اور 2 لاکھ 10 ہزار سے زائد مریض صحت یاب ہو چکے ہیں۔سندھ میں کورونا وائرس کے  مریضوں کی  تعداد  ایک لاکھ 13 ہزار 553 ، پنجاب میں 90 ہزار 444، خیبرپختونخوا میں 32 مہزار 243، بلوچستان میں 11 ہزار 441 ، اسلام آباد میں 14 ہزار 625 ، آزاد جموں و کشمیر میں ایک ہزار 922 اور گلگت بلتستان میں ایک ہزار 868 کورونا مریض ہیں۔سرکاری اعداد و شمار کے مطابق ملک بھر میں کورونا کا شکار مزید 50 سے زائد افراد لقمہ اجل بن گئے ہیں، اس طرح ملک بھر میں اس وبا سے جاں بحق ہونے والوں کی تعداد 5 ہزار 671 ہوگئی۔ پنجاب میں 2 ہزار 90، سندھ میں 2 ہزار 19، خیبر پختونخوا میں ایک ہزار 147، اسلام آباد میں 160، بلوچستان میں 133، آزاد کشمیر میں 47 اور گلگت بلتستان میں 43 افراد اب تک اس وائرس میں مبتلا ہوکر جاں بحق ہوچکے ہیں۔

کورونا وائرس اور احتیاطی تدابیر

کورونا وائرس کے خلاف یہ احتیاطی تدابیر اختیار کرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازہ کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکر بیٹھنے کے بجائے پنکھے کی ہوا میں بیٹھیں۔سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پر کوئی اثر نہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔پانی گرم کرکے تھرماس میں رکھ لیں اور ہر ایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔

اس خبر پر اپنی رائے کا اظہار کریں

اپنا تبصرہ بھیجیں