156

اسلام آباد ؛ پی ٹی اے نے موبائل ڈیوائسز کی عارضی رجسٹریشن کا نیا طریقہ کار تیار کرلیا

اسلام آباد : پاکستان ٹیلی کمیونیکیشن اتھارٹی (پی ٹی اے) نے موبائل ڈیوائسز کی عارضی طور پر رجسٹریشن کے لیے نیا طریقہ کار تیار کرلیا ہے۔ ڈیلی جستجو ڈاٹ کام اور جستجو نیوز ڈاٹ ٹی وی کے مطابق پاکستان ٹیلی کمیونیکیشن اتھارٹی(پی ٹی اے)کا کہنا ہے کہ موبائل ڈیوائسز کی ’عارضی طور پر رجسٹریشن‘ کے نئے طریقہ کار کا آغاز جلد ہوگا۔ پاکستان ٹیلی کمیونیکیشن اتھارٹی (پی ٹی اے) نے بیرون ملک مقیم پاکستانیوں،غیر ملکیوں کو درپیش مسائل کے حل کے لیے ان سمندر پار پاکستانیوں،غیر ملکیوں جو مختصر مدت کے لئے پاکستان کے دورے پر آئے ہوگے ان کے فون سیٹوں کی’عارضی رجسٹریشن‘ کے لیے ایک نیا طریقہ کار تیار کیا ہے۔ پی ٹی اے کے اس نئے نظام کی پائیداری اور تکنیکی فعالیت کو یقینی بنانے کے حوالے سے جانچ کی جارہی ہے جس کے بعد اسے جلد ہی فعال کر دیا جائے گا۔

اس خبر پر اپنی رائے کا اظہار کریں